Comedy

Oko cuku:

Parkom re, ekal janga phailaw katet’ adi monj in’ tiarakan taheaa, babu engat phuruk’ te dak’ agu katet’ bohok’ reye dul adin’ ado, ekal seta likan’ nir birit ena. Ma ‘n’ele me nui kunki ma ekal khak’ khak’ em landa jon kan orak bhitri re. inak’ tigi babui dar agu kida- ‘henda ba cekai nam? lohot endom. Dela hante lan’ calak’aa dara barai.’ Hapaiaa konka nit do ban’, in do tak’ ren’ tahe kana bole badla hataw lagit menkhac’ ingogo hante nate cet’ kocoie guric’ baraida. Inak’ tigi babu do askit entet ac’ haramba panjae ehop ena. Unjokhec’ babu engat do sasan rit lagit cura mar dhirie saphai eda, sen katet’ in koiok bara kida okoi ho banuk kowa mar kuhawe ar dar. Ac’ka gi ingogo dak’ e tul agu et tahena raca sec’khoc’ – ‘cekak’ kanam aa, nit gim gitic’ akan tahen ar hom kamsak’ kana merom lika’. Adoin’ saha adi khac’ bahu e n’el n’am kidaa—‘ cekainam bahu, gurgu nur ak’ mia se cet’, entet’ bai laraw darewak’ kan tahena. Uni kunki ma tumbut katet’ in’ e koiok barai din. Adon’ hec’ sor na ingogo saman re—‘cekai nam bhala’. Inak’ tigi in’ baba gai bole goratei ader ret kin tahena, onate onde khoc’ in dar pharak’ ena. Hante khoc’ babu ar ho hohoadin’a- ‘henda ba, tupri benaw an’ me, daka utu le gatet’ kana, in doin’ jawai kana’. Ado onate orak telin’ boloena gamcha sendra. Ona tak’ re ac’ gogo do duar reye japak’ akan tahea, ona do alin’ do balin badai kan tahena, ado bolok’ jokhec’ uni do babui or ruar kidia ar in’ do tainom khoc’ ekal nir dhok ona gandute bohok’ reye tin’ kidin’aa. Ar moca kopet’ katet’ dakai orak’ sene calaw ena babu salak’.  Bohok’ tumbut katet’ in’ hoho kida ‘boka, oka sec’aa’, ado ekal e dar agu kida—cekai nam baba, tajic’ enam silpin’ te? ‘Entet’ uni do bai nel lida ac’ gogoi tin’ kidin’ do.  Do se boka dak’ agui talan’ me. – ‘Nui am’- kuli kidin’ ai. ‘He’ -agu me. Ado dakai orak’ e sen en khac’ ac’ gogo bai hec’ oco ai kana, ordoho akatdiyai, ado boka do giran e ehop en khac’ in babai ror kida—“cekak’ kanam babu?’ ona ror anjom te, ac’ gogo arak’ kadia.—ado in’ baba raca khoc’ e ror kida—‘cekak’ kana pe bhala, in do bujhaw ho ban n’am eda, bape khatwa kantepe isir baraida’, henda, boka, -‘am baba do bohok’ redoi cakaiaa?’—babu doi ror ruar kida- ‘silpin’ teye takic’ ena’. Nowa katha anjom katet’ in babai men kida-‘ am hoaa am baba likagi’.