kolegmuni

Kolegmuni--
--------------

konka do iskul khoc' adi langai hec' ena. entet pon bochor ren kidro eken lac' re tinak' gharic' e tahenaa. ado ac' gogo kolegmuni gidra n'elte ekal mon duk en taya--'hendaya, cekai nam beta?' konka do pinda re ekal teye gudraw ente ti kin taye pasnaw kida. ado kolegmuniak' ontor do ekal te orec' en taya bara bari. entet' ac' baba banuiaa en reho bole jaha likate mit cuput' daka jom katet' olok' parhak' e cet' ai kana. konkai kuli kidia ac' gogo gitic' tuluc' gi--' henda go bhandan do cet kana?' nowa kathai anjom ket' khac' kolegmuni do ekal tei senget' ena, cedak' bhala nui gidra do ona kathai kuli kana. okoi lai cet' adiaa nowa ko do. ado konka ac' gogo gunan ok' e n'el kidi khac' e men keda- ' gapa ale ren master ac' gogo ko bhandan diya'. nowa katha anjom tura kolegmini e ror ruar keda-'monj geco beta, tobe do gapa do chuti ge tapea, bam calak te iskul?' konka do gandon gandon te ac' gogoak' met' ha kin koiok uric' at' teye men kida- 'metak' liya ko sanam hor thora thora cawle komse kom mit an'jli katet' agui.' ado bana hor adi bhabna rikin nur ena. egahon tumbut katet ot kin uyun' kida. entet' dinam hilak' arak' sakam jom te meank' kina, oka jokhec' rokoc' halan ar bakhac' jahai ko sur akin daka utu. nowa ko hudis hudis te kolegmuni do met' reak dhip re met' dak' bai oko darewada. ona met' dak' do ekal banar met' khon phantil uduk' ena. nowa n'elte konka do ak'sar teko tun' kidi likai bujhaw kida. one hara godok' kan mone re ekal le nijor ena. gudu ko ok'ko likai bujhaw kida. entet' ac' te hoi n'el eda nowa serma latar re sari gi adi haron. eken jharna reak' dak' ar jiwidok' lagit sahet' nowa gi baki menak' aa. ado hudis hudis te kolegmuni hotok' rohor cabayen taya, menkidai-'henda aa konka gapa calk' jokhec' ona buru ari re am haram ba menaiaa. uni hoho ac' me. ar nowa katha lai ai me.

konka do, ac' gogo menket lika, sarigi mit monete hohoe ehop ena. sarigi raba rubu mit'tec' haram e hec' sur ena. ado ona ko kathai lai adi khac' nui haram ba do tuplak' re thoa gan cawliye ema diya. master do konkai n'el kidi khac' ekal le edreye ena-- "okoraa cet em cahab agu kida, ona tuplak' re'. ado ti khoc' e rec' kidia ar mit' tec' korai metadiya handha re ona cawli up kat'. uni kora do mit' ghari tai nom ekal te ak' bak' e nir uduk' ena. -"cekai nam" master e menkida. korai ror ruar kida-- 'ona cawli caba gi ban cabak' kan handha ho perec' en.' nowa katha anjom te joto hor ekal ko botor ena. ado joto hor konka ko kuli kidia-' okarem n'am kida nowa cawli'.