Maranbitiwak nehor

Maranbitiwak’ nehor:

Marabiti do gidra hobor katet’ ekal sojhi te ac’ babawak’ orak teye hec’ ena.-‘cekai enam naa’—ac’ gogoi kuli kidia. Biti do met’dak oko okotei rak’ gok’ kida- ‘balin’ jotok’ kana. Katha bai anjom da. Dianam hilak, konka lika handie nui eda. In’ do ayu hor cet’ in’ cekaia’. Nowa ko katha anjom katet’ ac’ gogo do tarwari te ko sobok kidi lakai aikaw kida. Nukin ak’ juluk’ kan gharonj re cet’ e cekaiaa. Laha khoc’ mai anjom bara akat gi, menkhan, nui ac’ ren maranbiti, hajuk’ kan din kore cekate jiwi reak hamal re rawalaa. Enak’ tigi bajar khoc’ biti aac’ babai hec’ ena ar sojhi ac’ gogoi kuli kidia-‘ anjom kidan’ maranbiti orak’ e hec’ akana?’ ‘he nit ge kin boloi ena’; rorruar kidai ac’ gogo. Ado dak’ ko nu bara katet’e durup ena parkomre. ‘alom durup kowa onka do, entet’ amren dular kanai, am bam dular likhac’ okatei calak’aa, ma am gi lai an’me’- menkidai biti engat. Nowa ko kathai anjom ket khac’ biti gidra hobor katet’ e taram laha kida-‘ he ba hec’ enain’ langa cabaenai, kidran’ samrawyia se ac’ baba sec’ in’ ror. Jobab adin’ an’ alom roraa bankhan in kulsa mia. Salha emai khan e metan’ kana, am babawak do ban’ nui da, men khac’ orak’ reak cawli, alu, saname akhrin’ caba kida, merom ar sim ko sanam e nu caba ket kowa’. Now ku men katet’ Maranbiti ekal e senget ena. Nowa ko katha anjom katet’ ac’ babawak’ ontor do gadle ko roglika pati e atkar kida. Sukri ko kutam ko lekai bujhawkida. Ekal te uni do, tun’ akade merom lika, jiwi reak’ kocare adi hirkhai e rak’ kida. Bai bai tei tengo ena ar maranbiti habut katet’ e men kinda---“ alom raga biti, in’ren’ mayam kanam, amem rak’ likhac’ alin do cekatelin’ tahena. Nohoi nel me am babak koram nit ho ketec’ gia, dak’ re japut re, inak’ umul rigi tahen me, Janam akat miyalin’ jom nu te siro soro gota cando lin asulmia”-nowa ko ror mucat katet’ ekal vitri kandaha tei nir boloena, entet’ met’dak’ uduk kok kan bai samraw dareada.